¿QUE DEBO TER CLARO COMO AUTÓNOMO CO NOVO ESTATUTO?

•  Resumo dos dereitos adquiridos co novo estatuto do traballo autónomo.
•  Dereito de todos os autónomos.
•  Dereitos dos traballadores autónomos economicamente dependentes (trade).
•  Dereitos como colectivo presente e activo na sociedade.
•  Máis e mellor protección social.
•  Reducións e bonificacións nas bases de cotización ou nas cotas da seguridade social para determinados colectivos de traballadores autónomos.
•  Política de fomento do emprego autónomo.
•  Máis información.

RESUMO DOS DEREITOS ADQUIRIDOS CO NOVO ESTATUTO DO TRABALLO AUTÓNOMO

DEREITO DE TODOS OS AUTÓNOMOS

• Dereito á igualdade e non discriminación.
• Dereito á conciliación da vida profesional e familiar.
• Protección dos menores de 16 anos.
• Dereito á saúde e seguridade no traballo.
• Garantías económicas para o cobramento das súas retribucións, especialmente cando traballen para contratistas e subcontratistas.
• Protección á vivenda habitual fronte ao pagamento de débedas fiscais e de Seguridade Social.
• Posibilidade de contratar como traballadores do negocio familiar os fillos menores de 30 anos.

DEREITOS DOS TRABALLADORES AUTÓNOMOS ECONOMICAMENTE DEPENDENTES (TRADE)

• Como mínimo, 18 días laborables de vacacións ao ano.
• Indemnización en caso de despedimento.
• Defensa dos seus dereitos ante a xurisdición social.
• Negociar conxuntamente as súas condicións de traballo mediante acordos de interese profesional.

DEREITOS COMO COLECTIVO PRESENTE E ACTIVO NA SOCIEDADE

• Dereito a crear asociacións de autónomos e afiliarse ao sindicato da súa elección.
• Dereito das asociacións e sindicatos a defender e promover os intereses económicos e sociais dos autónomos.
• Dereitos a participar na definición das políticas públicas que os afecten, a xestionar programas públicos dirixidos aos autónomos e a estar presentes no Consello do Traballo Autónomo.

MÁIS E MELLOR PROTECCIÓN SOCIAL

• Extensión a todos os autónomos da protección en caso de baixa por enfermidade.
• Os autónomos economicamente dependentes e os que traballan en sectores con maior risco de sinistralidade laboral terán protección en caso de accidente de traballo, tamén o ocorrido no desprazamento entre o domicilio e o lugar da actividade, e enfermidade profesional.
• Establecerase unha prestación por cesamento de actividade que protexa o autónomo en situación de desemprego por causas alleas á súa vontade.
• Xubilación anticipada para os autónomos que desenvolvan traballos especialmente perigosos, para os que teñan unha certa idade e non atopen traballo despois de percibir a prestación por cesamento de actividade e para as persoas con discapacidade que realicen un traballo autónomo.
• Permiso de paternidade para os traballadores autónomos e melloras na protección da maternidade e risco durante o embarazo ou lactación das traballadoras autónomas.

REDUCIÓNS E BONIFICACIÓNS NAS BASES DE COTIZACIÓN OU NAS COTAS DA SEGURIDADE SOCIAL PARA DETERMINADOS COLECTIVOS DE TRABALLADORES AUTÓNOMOS

• Axustes nas bases de cotización para traballadores que coticen simultaneamente a varios Réximes da Seguridade Social superando a base máxima de cotización.
• Persoas con discapacidade.
• Traballadores autónomos que se dediquen á venda ambulante ou á venda a domicilio.
• Outros colectivos como os artesáns.

POLÍTICA DE FOMENTO DO EMPREGO AUTÓNOMO

• Redución e bonificacións das cotas da Seguridade Social para mozos ata 30 anos e mulleres ata 35 que inicien a súa actividade como autónomos: 30% durante 30 meses.
• Promoción da cultura emprendedora.
• Apoio ao financiamento de proxectos de investimento.
• Axuda aos procesos de innovación tecnolóxica e organizativa.
• Acceso á formación profesional.
• Adecuación á política fiscal para favorecer o traballo autónomo.

MÁIS INFORMACIÓN