Fraternidad-Muprespa seguridad de la información ISO 27001

Informazioaren sergurtasunaren gaineko iso 27001 araua

Fraternidad Muprespak, Gizarte Segurantzako 275. Mutualitate Laguntzaileak, Informazioaren Segurtasunerako Kudeaketa Sistema (SGSI) ezarri du, UNE-ISO/IEC 27001:2014 arauaren arabera. Espainiako Normalizazio Erakundeak (AENOR) ikuskatu eta ziurtatu zuen lehenengoz SGSI, 2010eko abenduan; harrezkero, ikuskaritzak egiten ditu urtero erakunde horrek, eta emaitza onak lortu dira beti. Informazio Sistemen Zuzendariordetza Nagusiak garatutako aplikazio eta zerbitzu informazio guztiei eragiten die SGSIk, besteak beste, sorospen-medikuntzako aplikazioari, historia kliniko elektronikoari eta Mutualitateak hasitako digitalizazio-prozesuaren ondoriozko beste garapen batzuei.

Ziurtagiriak garrantzi handia du kategoria berezietako datu pertsonalez baliatzen den ingurunean, esate baterako, mutualitatearen laguntza zentroetan arreta jasotzen duten langileen osasunari buruzkoak. Informazio Sistemen Segurtasun Politikan gauzatzen da hori guztia, zeinak Zuzendaritzaren konpromisoa eta prestasuna bermatzen baititu.

Fraternidad-Muprespak, gainera, datuen tratamenduaren gaineko ikuskaritza egiten du bi urtetik behin, datuak babestearen alorreko aurreko legedian ezarritako estandarrari euste aldera; orain nahitaezkoa ez izan arren, estandar hori inposatzen dio erakundeak bere buruari. Sektore publikoko kontratuen Legeari jarraikiz kontratatzen da ikuskaritzaz arduratuko den enpresa, prozesu ireki bidez eta publizitatea erabiliz. Ikuskaritza egin izanaren egiaztagiria igorriko du, eta gure enpresa, langile autonomo eta langile babestuen eskura egongo da, bai eta gainerako eragile interesdunen eskura ere, hala nola Datuak Babesteko Espainiako Bulegoa.

UNE-EN ISO 9001:2015 nazioarteko estandarrak, AENOR erakundeak ziurtatuak, osatzen du  kudeaketa-sistema. Haien bidez, honako xede hau lortu nahi du Fraternidad-Muprespak: mutualista guztiei emandako zerbitzuan laguntzen duten informazio-sistemak eskaintzea, araudia eta segurtasuna bere alderdietako bakoitzean betetzen direla bermatuz, hots: konfidentzialtasuna, eskuragarritasuna, osotasuna, benetakotasuna eta trazabilitatea  . Kalitatezko zerbitzuan gauzatzen da helburu hori, Gizarte Erantzukizun Korporatiboaren oinarriekin bat.

Bere sistema informatiko guztiak ISO 27001 estandarraren arabera ziurtatzen dituen lehenengo mutualitatea izan da Fraternidad-Muprespa, sorospen-medikuntzako aplikazioak barne

AENOR ISO 27001IQ NET CERTIFICADO 27001