---
title: "Escolástico Zaldívar sarien VII. edizioaren aldizkaria argitaratu du Fraternidad-Muprespak"
lang: "eu"
type: "noticia"
updated: "2021-03-26"
url: "https://www.fraternidad.com/eu-ES/noticias/escolastico-zaldivar-sarien-vii-edizioaren-aldizkaria-argitaratu-du-fraternidad-muprespak"
translations:
  es: "https://www.fraternidad.com/es-ES/noticias/fraternidad-muprespa-edita-la-revista-de-la-vii-edicion-de-los-premios-escolastico"
  ca: "https://www.fraternidad.com/ca-ES/noticias/fraternidad-muprespa-edita-la-revista-de-la-vii-edicio-dels-premis-escolastico-zaldivar"
  eu: "https://www.fraternidad.com/eu-ES/noticias/escolastico-zaldivar-sarien-vii-edizioaren-aldizkaria-argitaratu-du-fraternidad-muprespak"
  gl: "https://www.fraternidad.com/gl-ES/noticias/fraternidad-muprespa-edita-revista-da-vii-edicion-dos-premios-escolastico-zaldivar"
---

 ![Imagen Noticias](/sites/default/files/styles/style_1920x400/public/default_images/AdobeStock_71587395.jpg?itok=mOsqCscy)

 

# Escolástico Zaldívar sarien VII. edizioaren aldizkaria argitaratu du Fraternidad-Muprespak



23/07/2019

Publicaciones

Población

Madrid

 

2019ko apirilaren 23an, enpresan segurtasuna eta [osasuna](/eu-ES/osasuna) sustatzeko Escolástico Zaldívar 2804 sarien VII. edizioa antolatu zuen Fraternidad-Muprespak. Orain, entrega dela-eta argitaratutako aldizkari digitala aditzera eman nahi du Mutualitateak, enpresa eta proiektu saridunak zertxobait hobeto ezagutze aldera. Lan-arriskuen prebentzioarekin konprometiturik daude enpresa horiek guztiak. Areago, prebentzio-araudia betetzeaz haraindi langileen segurtasuna eta [osasuna](/eu-ES/osasuna) hobetzera bideratutako jarduketak gauzatu edo proiektatu izanagatik jaso zuten aipatu saria.

Besteak beste, gai horri —lan-arriskuen prebentzioa— buruzko dibulgaziozko eduki interesgarria dakar aldizkariak , baita elkarrizketak eta artikuluak [ere](/eu-ES/ere). Hainbat hitzaldi [ere](/eu-ES/ere) jaso dira aldizkarian, hala nola Fraternidad-Muprespako presidente Carlos Espinosa de los Monterosek, Mutualitateko zuzendari kudeatzaile Carlos Arandak eta Adif-eko Lan Arriskuen Prebentzioko zuzendariorde Jesús Ángel Díazek emandakoak; aurreko edizioa irabazi zuen azken horrek, enpresa handien kategorian, eta arrisku psikosozialei heldu zien bere mintzaldian.

Honako hauek dira beste protagonistetako batzuk: Miryam Hernández, Lan Arriskuen Prebentzioko Asturiar Institutuko zuzendaria; Jorge Orondo, Fraternidad-Muprespa Habana ospitaleari emandako Leed Platino ziurtagiria lortzeko Fraternidad-Mupresparekin lan egin duen arkitektoa; edota Jorge Cabrera, Quirónsalud-eko Arriskuen Prebentzioko zuzendari korporatiboa. Haiekin aritu gara hizketan, beren proiektuak hobeto ezagutzeko.

Sartu aldizkari digitalean <a href="">hemen</a> eta jakin nortzuk eta zein lanek jaso duten saria deialdi honetan.