---
title: "I ESCOLÁSTICO ZALDÍVAR SARIA DESGAITASUNAREN ARLOKO PREBENTZIOARI"
lang: "eu"
type: "noticia"
updated: "2021-03-26"
url: "https://www.fraternidad.com/eu-ES/noticias/i-escolastico-zaldivar-saria-desgaitasunaren-arloko-prebentzioari"
translations:
  es: "https://www.fraternidad.com/es-ES/noticias/i-premio-escolastico-zaldivar-la-prevencion-en-el-ambito-de-la-discapacidad"
  ca: "https://www.fraternidad.com/ca-ES/noticias/i-premi-escolastico-zaldivar-la-prevencio-en-lambit-de-la-discapacitat"
  eu: "https://www.fraternidad.com/eu-ES/noticias/i-escolastico-zaldivar-saria-desgaitasunaren-arloko-prebentzioari"
  gl: "https://www.fraternidad.com/gl-ES/noticias/i-premio-escolastico-zaldivar-prevencion-no-ambito-da-discapacidade"
---

 ![Imagen Noticias](/sites/default/files/styles/style_1920x400/public/default_images/AdobeStock_71587395.jpg?itok=mOsqCscy)

 

# I ESCOLÁSTICO ZALDÍVAR SARIA DESGAITASUNAREN ARLOKO PREBENTZIOARI



01/08/2013

Berritasunak

[Fraternidad-Muprespa](/eu-ES/fraternidad-muprespa)-k Repsol-i eman dio "Escolástico Zaldívar" saria, [enpresa](/eu-ES/enpresa) mutualistek prebentzioaren esparruan (bereziki babesgabeen kasuan) egindako esfortzua, lana, sentsibilitatea eta [konpromisoa](/eu-ES/konpromisoa) aitortzeko.

Epaimahaiak Repsol-en inguruan nabarmendutakoak hauek izan ziren, besteak beste: gaitasun desberdinak dituztenenganako sentsibilitatea, langile horien integrazio indibidualerako metodologia zaindua, lanpostuen egokitzapena, aniztasun eta bateratzeko batzordearen sorrera eta telelanaren sustapena. Bestalde, honako hauek [ere](/eu-ES/ere) baloratu zituen epaimahaiak: gaitasun desberdinak dituzten pertsonentzako azpiegiturak, desgaitasun intelektualeko langileen fundazioekin egindako elkarlana, beka programa, praktika eta Repsol Espainian gaitasun desberdinak dituzten pertsonak laneratzeari buruzko Liburu Zuria.

Saria 10.000ko laguntza ekonomikoa da, baita Álvaro Morenok egindako eskultura bat [ere](/eu-ES/ere). Álvaro Dalma fundazioaren kide da; baztertzeko arriskuan dauden pertsonak gizarteratzeko egiten du lan erakundeak. Eskultura brontzez egina dago eta [Fraternidad-Muprespa](/eu-ES/fraternidad-muprespa)-ren logotipoa irudikatzen du.

Carlos Espinosa de los Monteros jaunak, [Fraternidad-Muprespa](/eu-ES/fraternidad-muprespa)-ren PRESIDENTEAK eman dio saria Repsol-eko Lan eta [Merkataritza](/eu-ES/merkataritza) Harremanetarako kudeatzaile den Patricia Sanz Madroño andreari.

Bestalde, epaimahaiak adostu zuen aipamen berezia egingo ziola Feafes-Cáceres (Buruko Gaixotasunak dituzten Pertsona eta Familiartekoen Elkartea) elkarteari. Bertako presidentea, Felipa Malpartida andrea eta elkarteko kudeatzailea, José Felix Miñambres jauna izan ziren saria jasotzen.

"Escolástico Zaldívar" sariak [Fraternidad-Muprespa](/eu-ES/fraternidad-muprespa)-k gizartearekin eta [enpresa](/eu-ES/enpresa) mutualistekin duen [konpromisoa](/eu-ES/konpromisoa) irudikatzen du. Langilearen ongizatea bermatu eta errehabilitaziorako, prebentziorako eta laneko osasunaren alde egiteko tresnak ematean datza konpromiso hori, eta 1929an Fraternidad-en fundatzaileak, Escolástico Zaldívarrek, sortu zuen Plan Estrategikoak hala biltzen du.

   
 "Zure Mutualitatea - Kalitatea eta zerbitzua, urteko 365 egunetan"