---
title: "MENDEKOTASUNEN PREBENTZIOA LANEAN: GIZA ETA ENPRESA IKUSPUNTUA"
lang: "eu"
type: "noticia"
updated: "2021-03-26"
url: "https://www.fraternidad.com/eu-ES/noticias/mendekotasunen-prebentzioa-lanean-giza-eta-enpresa-ikuspuntua"
translations:
  es: "https://www.fraternidad.com/es-ES/noticias/prevencion-de-adicciones-en-el-ambito-laboral-un-enfoque-humano-y-de-empresa"
  ca: "https://www.fraternidad.com/ca-ES/noticias/prevencio-daddiccions-en-lambit-laboral-un-enfocament-huma-i-dempresa"
  eu: "https://www.fraternidad.com/eu-ES/noticias/mendekotasunen-prebentzioa-lanean-giza-eta-enpresa-ikuspuntua"
  gl: "https://www.fraternidad.com/gl-ES/noticias/prevencion-de-adiccions-no-ambito-laboral-un-enfoque-humano-e-de-empresa"
---

 ![Imagen Noticias](/sites/default/files/styles/style_1920x400/public/default_images/AdobeStock_71587395.jpg?itok=mOsqCscy)

 

# MENDEKOTASUNEN PREBENTZIOA LANEAN: GIZA ETA ENPRESA IKUSPUNTUA



02/12/2016

Berritasunak

Abenduaren 1ean, Gizarte Segurantzako Mutualitate Laguntzaile Fraternidad-Muprespak Miranda de Ebroko Enpresa-elkarteen Konfederazioak antolatutako informazio-saio batean parte hartu zuen: “Mendekotasunen prebentzioa lanean: giza eta [enpresa](/eu-ES/enpresa) ikuspuntua”.

Miranda de Ebroko FAEko presidente Nuria Navarrok aurkeztu zuen ekitaldia; halaber, “Honako hau FAEren, Caja Círculo eta Ibercaja Fundazioen eta CCOO eta UGT sindikatuen baterako proiektua dela” nabarmendu zuen.   
  
Ondoren, prebentzio-arloko zuzendari Asunción Rubio Hortak eta Gizakia Helburu erakundeko psikologo Carla Contreras Contrerasek Enpresarien Elkartearekin elkarlanean abian jarritako plana azaldu zuten, langileen mendekotasunen prebentzioari buruzkoa; sentsibilizazioa, laguntza eta berriz laneratzea barne hartzen ditu ibilbideak, hain zuzen [ere](/eu-ES/ere). ETEei zuzenduta dago bereziki plana.

Proiektua aurkeztutakoan, Burgosko Fraterprevención enpresaren laneko mediku Juan Gabriel Martínez Martínek jardunaldiaren gai nagusiarekin lotuta prebentzio-zerbitzuetan hartutako eskarmentua partekatu zuen bertaratutakoekin.

Horren ostean, Fraternidad-Mupresparen Burgosko aholkulari tekniko Almudena González Delgadok [enpresa](/eu-ES/enpresa) barruan arazo horietan mutualitateek duten zeresana azpimarratu zuen.

Hitzaldiak bukatutakoan, eztabaida interesgarria hasi zen; bertan, lan-inguruneko mendekotasunak oso kezkagarriak direla adierazi zuten enpresariek eta langileek.

"Zure Mutualitatea - Kalitatea eta Zerbitzua, urteko 365 egunetan"