---
title: "Orain errazagoa da autonomoek jarduera utzi izanagatiko prestazio-eskabideko datuak zuzentzea "
lang: "eu"
type: "noticia"
updated: "2021-03-26"
url: "https://www.fraternidad.com/eu-ES/noticias/orain-errazagoa-da-autonomoek-jarduera-utzi-izanagatiko-prestazio-eskabideko-datuak"
translations:
  es: "https://www.fraternidad.com/es-ES/noticias/subsanar-datos-en-la-solicitud-de-prestaciones-por-cese-de-actividad-de-los-autonomos"
  ca: "https://www.fraternidad.com/ca-ES/noticias/esmenar-dades-de-la-sollicitud-de-prestacions-cessament-dactivitat-dels-autonoms-ara-mes"
  eu: "https://www.fraternidad.com/eu-ES/noticias/orain-errazagoa-da-autonomoek-jarduera-utzi-izanagatiko-prestazio-eskabideko-datuak"
  gl: "https://www.fraternidad.com/gl-ES/noticias/emendar-datos-na-solicitude-de-prestacions-por-cesamento-de-actividade-dos-autonomos-agora"
  en: "https://www.fraternidad.com/en/correcting-data-in-the-application-for-benefits-due-to-cessation-of-activity-for-the-self-employed-now-easier"
---

 ![Imagen Noticias](/sites/default/files/styles/style_1920x400/public/default_images/AdobeStock_71587395.jpg?itok=mOsqCscy)

 

# Orain errazagoa da autonomoek jarduera utzi izanagatiko prestazio-eskabideko datuak zuzentzea 



28/05/2020

General

Fraternidad-Muprespa, Gizarte Segurantzarekin elkarlanean jarduten duten gainerako mutualitateak bezala, aparteko prestazio hori kudeatzeaz arduratzen da. Lehentasuna izan da alarma-egoera deitu zutenetik sortutako inguruabar bereziak eragindako langile autonomoei laguntzea, eta halaxe izaten jarraitzen du orain [ere](/eu-ES/ere). Hori dela eta, erabaki zen ahalik eta azkarren ematea esandako prestazio hori.

Gizarteratze, [Gizarte Segurantza](/eu-ES/gizarte-segurantza) eta Migrazio Ministerioak aditzera eman duenez, «prestazio hori eskuratzeko, Gizarte Segurantzako dagokion araubidean inskribatuta egon behar du norberaren konturako langileak, eta, horretaz gainera, negozio-itxieraren eraginak izan behar ditu, alarma-egoera deklaratu izanaren ondorioz edo eskaera egin aurreko hilabete naturaleko fakturazioan % 75eko murrizketa izan duelako. Diru-sarreren galera egiaztatzeko, eskatzaileak hori justifikatzen duen kontabilitate-informazioa eman behar du. Ez badago behartuta kontabilitateko dokumentazioa eramatera, zuzenbidean onartutako edozein frogabidek balioko du; adibidez, taximetroak, taxi-gidarien kasuan».

Fraternidad-Muprespa mutualitateak ez du inoiz etengo aparteko prestaziorik, interesdunak berariaz eskatzen ez badu.

Eskaerak aldatu edo zuzendu behar izanez gero, Fraternidad-Muprespa mutualitatearen bulego digitalak aukera ematen du kontsultatu eta eguneratzeko.

[INFORMAZIO GUZTIA, HEMEN](https://www.fraternidad.com/es-ES/subsanacion-solicitud-de-prestacion-extraordinaria-para-autonomos-por-motivo-del-covid-19)[ ](https://www.fraternidad.com/es-ES/subsanacion-solicitud-de-prestacion-extraordinaria-para-autonomos-por-motivo-del-covid-19)

Fraternidad-Muprespa mutualitateak, inprimakiok digitalki eskuratzeko aukera emanez, agerian uzten du bere asmoa izan dela ahalik eta erraztasunik handienak ematea alarma-egoerak eragindako aparteko prestazioak lortzeko –eta hala izaten jarraitzen du–, jakitun baikara zein egoera zailean dauden gure mutualistak eta atxikitako autonomoak.

Fraternidad-Muprespa mutualitateak autonomoentzako aparteko prestazioa ordaindu du gaur, COVID-19ak eragindako krisiari aurre egiteko. Ia 88.000 autonomok jaso dute prestazio hori, guztira 161 milioi euro baino gehiago. Mutualitateek orotara 1.200 milioi euro ordaindu dizkiete 1,4 milioi autonomori baino gehiagori.