Mutua Fraternidad-Muprespa

NOTICIAS

PARTICIPE NOS GALARDÓNS EUROPEOS ÁS BOAS PRÁCTICAS

Autor:  Fraternidad-Muprespa - Dpto. de Organización
Data:  08/03/2010

A Axencia Europea para a Seguridade e a Saúde no Traballo (EU-OSHA) abre a convocatoria de candidaturas para os décimos Galardóns Europeos ás Boas Prácticas no ámbito da seguridade e a saúde no traballo. O certame de 2010/2011 recoñecerá as empresas ou organizacións que destacasen por contribuíren de forma innovadora e por fomentaren un enfoque integral da xestión do mantemento seguro.

Galardóns Europeos ás Boas Prácticas - Promove mutua Fraternidad Muprespa

Campaña «Traballos saudables»

A Campaña Europea está organizada pola Axencia Europea (EU-OSHA) en colaboración cos Estados membros e a Presidencia da Unión Europea. Unha das principais actividades de apoio á Campaña son os Galardóns Europeos ás Boas Prácticas, organizados co obxectivo de identificar exemplos de boas prácticas en materia de mantemento seguro e preventivo.

Galardóns europeos ás boas prácticas

Os Galardóns teñen por obxecto demostrar, mediante exemplos, os beneficios que se derivan da implantación de boas prácticas en materia de seguridade e saúde no traballo: para empresarios e traballadores europeos, intermediarios, interlocutores sociais, técnicos e profesionais da prevención de riscos laborais, así como para aqueles que dan asistencia e información no ámbito laboral.

Os exemplos seleccionados, divididos en 2 categorías: empresas con menos de 100 empregados e empresas con 100 ou máis empregados, serán recoñecidos pola súa contribución á mellora das condicións de traballo en Europa.

Ademais:

  • os representantes das empresas e organizacións seleccionadas serán invitados á cerimonia de entrega dos Galardóns, que terá lugar na primavera de 2011, e
  • os exemplos presentaranse no sitio web da Axencia Europea, así como nun folleto da Axencia que se distribuirá en toda Europa.

Como participar

Se desexa información máis detallada sobre o concurso, pode poñerse en contacto con:

Instituto Nacional de Seguridade e Hixiene no Traballo (INSHT)
Torrelaguna 73, 28027 Madrid.
Persoa de contacto: Belén Pérez Aznar,
Tel. +34 913634253
pfocalagenciaeuropea@mtin.es

Data límite para a recepción de solicitudes

30 de xullo de 2010


Páxina Web da OSHA:

Folleto da convocatoria:


"A súa Mutua - Calidade e Servizo, 365 días ao ano"

Utilizamos cookies para garantir o correcto funcionamento do noso portal web, mellorar a seguridade e obter unha maior eficacia e personalización dos servizos ofrecidos aos Usuarios. Se continúa navegando ou pulsa o botón "ACEPTAR", consideramos que acepta o seu uso. Pode obter máis informació na nosa POLÍTICA DE COOKIES.

Desexa que o seu navegador recorde a decisión de declinar o uso de cookies?
Se decide que o sistema recorde a súa preferencia, a cookie que almacena esta información quedará no seu ordenador de forma permanente.

subir