--- title: "PARTICIPE NOS GALARDÓNS EUROPEOS ÁS BOAS PRÁCTICAS" lang: "gl" type: "noticia" updated: "2021-03-26" url: "https://www.fraternidad.com/gl-ES/noticias/participe-nos-galardons-europeos-boas-practicas" translations: es: "https://www.fraternidad.com/es-ES/noticias/participe-en-los-galardones-europeos-las-buenas-practicas" ca: "https://www.fraternidad.com/ca-ES/noticias/participeu-en-els-guardons-europeus-les-bones-practiques" eu: "https://www.fraternidad.com/eu-ES/noticias/hartu-parte-praktika-onetarako-europako-sarietan" gl: "https://www.fraternidad.com/gl-ES/noticias/participe-nos-galardons-europeos-boas-practicas" --- ![Imagen Noticias](/sites/default/files/styles/style_1920x400/public/default_images/AdobeStock_71587395.jpg?itok=mOsqCscy) # PARTICIPE NOS GALARDÓNS EUROPEOS ÁS BOAS PRÁCTICAS 08/03/2010 General A Axencia Europea para a Seguridade e a Saúde no Traballo ([EU-OSHA](/gl-ES/eu-osha)) abre a convocatoria de candidaturas para os décimos Galardóns Europeos ás Boas Prácticas no ámbito da seguridade e a saúde no traballo. O certame de 2010/2011 recoñecerá as empresas ou organizacións que destacasen por contribuíren de forma innovadora e por fomentaren un enfoque integral da xestión do mantemento seguro. Campaña «Traballos saudables» A Campaña Europea está organizada pola Axencia Europea ([EU-OSHA](/gl-ES/eu-osha)) en colaboración cos Estados membros e a Presidencia da Unión Europea. Unha das principais actividades de apoio á Campaña son os Galardóns Europeos ás Boas Prácticas, organizados co obxectivo de identificar exemplos de boas prácticas en materia de mantemento seguro e preventivo. Galardóns europeos ás boas prácticas Os Galardóns teñen por obxecto demostrar, mediante exemplos, os beneficios que se derivan da implantación de boas prácticas en materia de seguridade e saúde no traballo: para empresarios e traballadores europeos, intermediarios, interlocutores sociais, técnicos e profesionais da [prevención de riscos laborais](/gl-ES/prevencion-de-riscos-laborais), así como para aqueles que dan asistencia e información no ámbito laboral. Os exemplos seleccionados, divididos en 2 categorías: empresas con menos de 100 empregados e empresas con 100 ou máis empregados, serán recoñecidos pola súa contribución á mellora das condicións de traballo en Europa. Ademais: * os representantes das empresas e organizacións seleccionadas serán invitados á cerimonia de entrega dos Galardóns, que terá lugar na primavera de 2011, e * os exemplos presentaranse no sitio web da Axencia Europea, así como nun folleto da Axencia que se distribuirá en toda Europa. Como participar Se desexa información máis detallada sobre o concurso, pode poñerse en contacto con: > Instituto Nacional de Seguridade e Hixiene no Traballo (INSHT) > Torrelaguna 73, 28027 Madrid. > Persoa de contacto: Belén Pérez Aznar, > Tel. +34 913634253 > [Clic aquí para mostrar email](#) Data límite para a recepción de solicitudes 30 de xullo de 2010 [Acceder](http://osha.europa.eu/es) Páxina Web da OSHA: [Descargar](#) Folleto da convocatoria: "A súa Mutua - Calidade e Servizo, 365 días ao ano"