Éxito de la II Carrera por la Prevención en Tres Cantos Madrid

Bigarren urtez, eguraldi ona eta partaidetza handia izan zen kirolarekiko eta ingurumenarekiko konpromiso handia duen Tres Cantos udalerriko Parke Zentralean ospatutako prebentzioaren aldeko lasterketaren II. edizioan.

Fraternidad-Muprespa Gizarte Segurantzako 275. Mutualitate Laguntzaileak antolatzen duen Prebentzioaren Astearen esparruan kokatzen den ekitaldi honetan parte hartzera hurbildu ziren Mutualitateko pertsona garrantzitsuak eta haien senideak.

Tres Cantoseko Parke Zentralean antolatu zen lasterketa, eta bertan zegoen seinaleztatua 5 kilometroko ibilbidea. Honen helburua zera izan zen: gure lanpostuetan osasuna babestearen garrantzia bultzatzea eta horri buruz kontzientziatzea, eta baita prebentzio kultura osasuntsua izatea ere.

Lasterketa hasi baino lehen, Saludando enpresako langileek lesioak ekiditeko 10 minutuko beroketa ariketa saioa eskaini zieten parte-hartzaileei.

Pilar Valencia Fraternidad-Mupresparen Tres Cantoseko ordezkaritzako zuzendariak bertaratutakoen parte-hartzea eskertu zuen eta eskuzabalik korrikalariei opariak eman zizkieten enpresei ere eskerrak eman zizkien.

Honako hauek izan ziren opariak eskaini zituzten enpresak:

Essilor Taldeak bi opari egin zituen: betaurreko graduatu batzuk eta eguzkitako betaurreko batzuk; Cos Mantenimiento enpresak liburu elektroniko bat; La Estación Farmaziak produktu kosmetiko eta indargarrien sorta bat; Los Castilleros Jatetxeak bi lagunentzako afari bat; eta Adrians Jatetxeak bi lagunentzako beste afari bat.

Grupo Quirón taldeak motxilak eman zizkien korrikalariei, Coopervisión enpresak mugikorrentzako kanpo-bateriak, eta Fraterprevención, S.L. enpresak ohar-notak eta koadernoak.

Fátima Mera Tres Cantoseko Osasun Publikoko zinegotziak eman zuen lasterketaren hasiera ofiziala. Hauek izan ziren irabazleak:

Emakumezkoen kategorian:

• 1. postuan  (246. dortsala) Paloma Gil Romero - 00:22:02 4:24 min/km
• 2. postuan  (280. dortsala) Silvia De Benito - 00:23:21 04:40 min/km
• 3. postuan  (228. dortsala) Mónica Martorell Cebey - 00:23:38 04:43 min/km

Gizonezkoen kategorian:

• 1. postuan  (241. dortsala)  Pablo García Paredes  - 00:18:13 03:38 min/km
• 2. postuan  (294. dortsala) Víctor Quiñones Acín - 00:18:42 03:44 min/km
• 3. postuan  (63. dortsala) Daniel García Paredes - 00:18:58 03:47 min/km

Jesús Moreno  Tres Cantoseko alkateak,  José Carlos Rodríguez ASECATeko presidenteak eta Natalia Fdez. Laviada Fraternidad-Mupresparen Prebentzio, Kalitate eta Komunikazioaren zuzendariorde nagusiak banatu zizkieten sariak irabazleei.

Lasterketan  langile gehien izen eman dituen Mutualitatera bazkidetutako enpresa, iaz bezala, Essilor Taldea izan da.

“Helmuga zure osasuna da” lelopean ahalik eta jende gehien laneko istripuei buruz sentsibilizatzea izan zen gure xedea, lehentasun gisa izan dezaten euren osasuna.