150 Aniversario da Táboa Periódica dos Elementos
A Asemblea Xeral das Nacións Unidas elixiu o ano 2019 como Ano Internacional da Táboa Periódica dos Elementos Químicos en homenaxe ao 150 aniversario da súa primeira publicación polo científico ruso Dmitri Mendeleiev. Ao longo do ano, diversas asociacións e institucións científicas e educativas teñen programada unha serie de actividades para celebrar esta data.
Relacionado con esta efeméride e coincidindo co Día Internacional da Muller que se celebra o 8 de marzo, queremos destacar o traballo da enxeñeira química Teresa Valdés-Solís que publicou no pasado mes de novembro o artigo “ A táboa periódica das mulleres científicas” na plataforma Naukas, na que propuxo unha táboa periódica especial formada por nomes de mulleres científicas. A autora destacou que entre as moitas táboas periódicas que existen sobre temas tan variados, aínda ninguén lle dedicara unha ás mulleres e por iso as organizou en diferentes disciplinas, clasificando os seus nomes cos símbolos da táboa e algúns exemplos curiosos diso son:
-
H: Hidróxeno: Hipatia de Alexandría: matemática e astrónoma.
-
Ni: Nickel: Ángela Nieto, bióloga e neurocientífica, Premio de Investigación Jaime I.
-
Fe: Ferro: Antonia Ferrín Moreiras, astrónoma.
-
Sn: Estaño: Françoise Barré-Sinoussi, viróloga e Premio Nobel de Fisioloxía ou Medicina.
O INSST tamén se uniu a esta homenaxe á táboa periódica que organiza os elementos segundo o número atómico, a configuración electrónica e as súas propiedades químicas. Dos 118 elementos da táboa periódica, 35 teñen un valor límite ambiental e 8 un valor límite biolóxico.
En Fraternidad-Muprespa cremos que investir en coñecemento sempre produce os mellores beneficios, por iso ofrecémosche a nosa proposta en liña sobre prevención de accidentes e enfermidades profesionais, con acceso gratuíto para as nosas empresas asociadas denominada “Aula de Prevención”. Nel contamos con cursos e-learning e obradoiros audiovisuais para todos os sectores e relacionados coas nosas novidades propoñémosche o curso “Riscos na industria química”.
