Como afecta á prevención a lei que garante a liberdade sexual

O pasado mes de setembro publicouse no BOE a Lei orgánica 10/2022, do 6 de setembro, de garantía integral da liberdade sexual, cuxa entrada en vigor terá lugar o 7 de outubro.

Esta normativa é relevante no noso ámbito dado que o artigo 12 está dedicado aprevención e sensibilización no lugar de traballo e detalla os seguintes puntos que afectan ás empresas:

• As empresas deben incluír a violencia sexual entre os riscos laborais concorrentes na avaliación de riscos dos distintos postos de traballo que ocupan as traballadoras, debendo formar e informar ao respecto ás súas traballadoras.
• Deben promover condicións laborais que impidan a comisión de delitos e outras condutas contra a liberdade sexual e a integridade moral no traballo, centrándose especialmente no acoso sexual e no acoso por razón de sexo. Así mesmo, deberán arbitrar procedementos específicos para a súa prevención e para canalizar as queixas ou reclamacións que poidan formular os que foron vítimas destas condutas, incluíndo concretamente as sufridas no ámbito dixital.
• As empresas poderán establecer medidas que deberán ser negociadas cos representantes dos traballadores, como a elaboración e difusión de códigos de boas prácticas, a realización de campañas informativas, protocolos de actuación ou accións formativas.
• Así mesmo, promoverán a sensibilización e ofrecerán formación para a protección integral contra a violencia machista a todo o persoal ao seu servizo e recoñecerase a aquel que adapte a súa estrutura e normas de funcionamento ao establecido nesta lei orgánica coa distinción de “Empresas para unha sociedade libre de violencia de xénero”.