Exposición do persoal sanitario e de asistencia social a factores de risco de cancro

Con motivo da Semana Europea contra o Cancro, do 25 ao 31 de maio, a Axencia Europea de Seguridade e Saúde no Traballo (EU-OSHA) presenta un novo informe que analiza a exposición do persoal sanitario e de asistencia social aos factores de risco contra o cancro laboral.

O informe: "Factores de risco de cancro no lugar de traballo en Europa. Conclusións da enquisa sobre a exposición dos traballadores do sector sanitario e dos servizos sociais " revela que o 29,5 % do persoal do sector estivo exposto a polo menos un dos 24 factores de risco avaliados na enquisa durante a semana laboral anterior á enquisa e outro 7,8 % estivo exposto a dous ou máis factores de risco de cancro.

A radiación ionizante, o formaldehido, o óxido de etileno e a radiación ultravioleta artificial (UV) foron algunhas das exposicións específicas do sector máis comúns, pero o traballo tamén identificou riscos máis xerais e non relacionados coa industria, como a exposición ás emisións de escape de motores diésel, radiación ultravioleta solar e benceno.