Guía para a xestión preventiva das instalacións nos centros de traballo

O INSST presentou recentemente o documento:“Guía para a xestión preventiva das instalacións dos centros de traballo: aspectos comúns a todas as instalacións” que selecciona once instalacións de servizo ou protección como as máis utilizadas nun centro de traballo, sexa a súa actividade industrial ou non.

Para cada unha das instalacións seleccionadas, o documento resume e simplifica as distintas fases polas que pasan desde o momento en que se proxectan ata que se deixan de utilizar ou se desmonta, segundo os requisitos establecidos na normativa de seguridade industrial. Para cada instalación inclúese un diagrama de fluxo final que resume o contido dos requisitos legais que lle son de aplicación de forma esquemática e visual e que se pode descargar e imprimir de forma independente, facilitando así a súa actualización e uso.

Ademais, na guía indícanse os diferentes aspectos que pode controlar un técnico de prevención para garantir que se cumpren os aspectos normativos máis relevantes relacionados coa posta en marcha, conservación e uso correcto da instalación e, polo tanto, coa seguridade dos traballadores afectados pola súa presenza no lugar de traballo.