Normativa actualizada de Prevención e Control da Lexionelose
O 22 de xuño publicouse no BOE o Real decreto 487/2022, do 21 de xuño, polo que se establecen os requisitos sanitarios para a prevención e o control da lexionelose.
Este real decreto, que substitúe ao anterior do ano 2003, contempla avances e melloras técnicas, novas medidas de xestión de riscos e innovacións necesarias para un maior control das instalacións ou equipamentos que poidan converterse en fontes de exposición humana á bacteria.
Grazas a esta norma regúlase o réxime de responsabilidades dos titulares das instalacións, tanto das persoas propietarias de torres de refrixeración e condensadores evaporativos, como das empresas de servizos externas e das empresas de servizos que realizan operacións de prevención e control da legionela nas instalacións ao seu cargo.
Por outra banda, establécense os distintos requisitos das instalacións e da calidade das augas, os plans de control contra a legionela e as actuacións da autoridade sanitaria. Así, determínase a obrigatoriedade da realización, por parte dos titulares, dun Plan de Prevención e Control da Legionela (PPCL), que incluirá, entre outros, un diagnóstico inicial e descrición detallada da instalación, así como os programas de mantemento e revisión das instalacións e equipamentos, así como a documentación e rexistros que reflictan as actividades e controis establecidos nos programas.
A autoridade sanitaria decidirá as actuacións que realizará o responsable da instalación, que poderán ser, entre outras, a limpeza e desinfección por choque con remuestreo pasados 15-30 días, a posible paralización total ou parcial da instalación ou a realización de reformas estruturais.
