Que é a prevención en acción?
Episodios breves, visuais e prácticos que abordan os riscos máis habituais no traballo, acompañados de vídeos, recursos descargables e recomendacións para empresas e traballadores.
A prevención non só se aprende nos manuais. Queremos darche ferramentas útiles e dinámicas que podes aplicar no teu traballo diario, esteas onde esteas e sexa cal sexa o sector no que traballes. E sendo o momento, decidimos comezar polos riscos do golpe de calor.
Episodio I. Prevención en acción: golpe de calor no traballo
As altas temperaturas están a cambiar a nosa forma de traballar, especialmente nos traballos que están ao aire libre como no sector da construción, a agricultura, a limpeza urbana ou a pesca. Segundo os datos do INSST, as vagas de calor provocaron un aumento do 17% dos accidentes laborais e mortes relacionadas. Así mesmo, estímase que o 60% dos cancros de pel mortais relacionados con esta causa teñen orixe laboral.
Comezamos esta serie con: "Como previr os efectos da calor no ambiente de traballo" . Informámosche sobre os niveis de risco térmico, as medidas fundamentais para previr os efectos da calor, as recomendacións xerais que hai que seguir sempre en situacións de altas temperaturas e as medidas extraordinarias que hai que activar en caso de alerta oficial, como as emitidas pola AEMET.
