Relación de termos municipais de actuación prioritaria contra o radón
O Consello de Seguridade Nuclear aprobou recentemente a Instrución IS-47, que determina a lista de áreas municipais de actuación prioritaria contra o radón e tamén establece as directrices para as medicións de radón nos lugares de traballo.
O instrumento básico para identificar aqueles núcleos municipais nos que un número importante de edificios poden presentar concentracións de radón no aire superiores (en media anual) ao nivel de referencia, fixado en 300 Bq/m3, é o mapa do potencial de radón en España elaborado polo CSN.
Esta instrución identifica como termos municipais de actuación prioritaria os que xa estaban establecidos na zona II do anexo B do apartado DB HS-6 do Código técnico da edificación e desenvolve o Regulamento de protección da saúde fronte aos riscos derivados da exposición a radiacións ionizantes . Requírese que os titulares das actividades laborais desenvolvidas en lugares de traballo situados en plantas baixas e subterráneas dos concellos prioritarios midan a concentración de radón no aire en todas as zonas nas que os traballadores deban permanecer ou ás que poidan acceder por razón do seu traballo, excluídas as zonas exteriores.
