Seguridade no uso e conservación de xeles e solucións hidroalcohólicas

A Axencia Española do Medicamento (AEMPS) publicou estes días unha serie de consellos de grande interese para o correcto uso e conservación dos xeles e solucións hidroalcohólicas.

Os xeles e solucións hidroalcohólicas, se son de natureza biocida, deberán incluír na súa etiquetaxe de forma facilmente identificable os riscos e consellos para o seu uso, cun pictograma facilmente identificable que indique que poden ser perigosos e que son inflamables. Indicando tamén que, polo seu alto contido en etanol, poden provocar graves irritacións oculares e son tóxicos se se inxiren. Así mesmo, deberán establecer unha serie de indicacións da natureza do risco e consellos para o seu uso e conservación. 

Por todos estes motivos, a AEMPS desenvolveu unha serie de consellos para manexalos correctamente e poder tomar as precaucións oportunas para a súa conservación:

• Evite aplicar xeles e solucións hidroalcohólicas en zonas sensibles ou danadas da pel e das mucosas.
• Mantén os xeles e as solucións hidroalcohólicas sempre lonxe de fontes de calor como superficies quentes, luz solar directa, chamas abertas, faíscas ou calquera fonte de ignición.
• Evite fumar inmediatamente despois de usar estes xeles e solucións ou nos lugares onde estean almacenados.
• Gárdaos nun lugar ben ventilado e fresco, evitando espazos onde se produzan cambios significativos de temperatura.
• En caso de contacto cos ollos, enxágüeos con auga abundante durante varios minutos. Se a irritación persiste, consulte a un médico.
• En caso de tragar, chamar inmediatamente ao Servizo de Información Toxicolóxica ou acudir a un médico de urxencias.

Nesta liña e para ofrecer información útil aos nosos mutualistas deFraternidad-Muprespa queremos colaborar e tamén informarvos dos pasos básicos para levar a cabo unha correcta hixiene das mans e como se elaborou material informativo de apoio: elaboráronse dous vídeos e unha infografía coas instrucións a seguir para un correcto lavado de mans.

A infografía chamada A seguridade está nas túas mans recolle recomendacións sobre como lavarse as mans correctamente con auga e/ou solución hidroalcohólica. Pola súa banda, os vídeos titulados A hixiene de mans con xabón e A hixiene de mans con solución hidroalcohólica poden axudan a coñecer polo miúdo como lavarse correctamente como medida preventiva cotiá.