30 Aniversario da Lei de Prevención de Riscos Laborais
O 8 de novembro de 2025 cúmprense trinta anos da Lei 31/1995 de Prevención de Riscos Laborais (LPRL), unha normativa que supuxo un fito fundamental en España, establecendo un marco legal sólido que recoñecía o dereito á protección efectiva da seguridade e saúde dos traballadores, adaptando a nosa lexislación á directiva europea.
O núcleo da Lei radica na responsabilidade corporativa de avaliar, evitar os riscos na súa orixe e planificar a acción preventiva, promovendo a integración da prevención en todos os niveis da organización, destacando a obriga de ofrecer unha formación e información adecuada e a garantía da vixilancia da saúde. Así mesmo, a LPRL institucionalizou a participación dos traballadores a través dos Delegados de Prevención e dos Comités de Seguridade e Saúde.
Destacamos especialmente o artigo 14 da Lei, que é unha síntese perfecta do seu obxectivo posto que establece o deber xeral de protección do empresario fronte aos riscos laborais, garantindo a seguridade e a saúde dos traballadores, así como o seu dereito a unha protección efectiva. Este deber implica a adopción das medidas preventivas necesarias, a integración da prevención na empresa, o seguimento constante das actividades preventivas e a non repercusión do custo das medidas sobre os traballadores.
Tres décadas despois, aínda que a Lei conseguiu importantes avances na cultura preventiva, persisten importantes retos dado que a sinistralidade laboral segue a ser unha lacra que require unha maior integración real da prevención máis alá do mero cumprimento formal, e que a normativa terá que adaptarse ás novas realidades laborais como o teletraballo, a dixitalización, os riscos psicosociais ou a saúde mental para seguir garantindo un ambiente laboral seguro e saude.
En traballo dos nosos mutualistas e promover a prevención e a saúde laboral.
