7 de abril, Día Mundial da Saúde, a clave é que é un dereito
En 1948 a Organización Mundial da Saúde estableceu o 7 de abril como o Día Mundial da Saúde. Desde entón escolléronse anualmente diferentes lemas que se centran en aspectos importantes á hora de promocionar este activo inmaterial de incalculable valor.
En 2024 o elixido foi “A miña saúde, o meu dereito” e a súa finalidade é transmitir que os dous conceptos non se poden disociar xa que o desenvolvemento da sociedade, da humanidade, require o recoñecemento conxunto de ambos. Falar de saúde significa falar de auga potable, aire limpo, boa alimentación, vivenda de calidade, condicións laborais e ambientais dignas e ausencia de discriminación.
Nas A rede de centros sanitarios coa que conta a Mutua son o primeiro paso no escenario onde se inicia esta atención, promovida por aproximadamente un milleiro de profesionais sanitarios.
Segundo a OMS “o dereito á saúde de millóns de persoas está cada vez máis ameazado en todo o mundo e as enfermidades e catástrofes asoman como as principais causas de morte e discapacidade”. Así mesmo, as guerras son un elemento desestabilizador clave no intento de facer accesible a saúde. Ademais, ameazas climáticas coñecidas, como a queima de combustibles fósiles ou a contaminación do aire, limitan o acceso a este dereito universal.
Os Obxectivos de Desenvolvemento Sostible tamén dedican unha parte importante do seu contido á promoción da atención sanitaria, pola súa importancia vital para o desenvolvemento humano, e catro dos oito Obxectivos de Desenvolvemento do Milenio tamén están directamente relacionados coa saúde, en concreto, con fins como paliar a fame, promover a saúde maternoinfantil e promover solucións para curar o VIH e a malaria. Se chegamos ata aquí, a estas peticións concretas, é porque hai outras xa consolidadas, ou en vías de selo, como os avances no tratamento da tuberculose.
O Consello de Aspectos Económicos da Saúde para Todos da OMS enumera 140 países que recoñecen a saúde como un dereito humano na súa constitución, pero algúns deles carecen de leis que garantan ás súas poboacións o dereito a acceder aos servizos de saúde.
O obxectivo común é, polo tanto, a democratización e universalización dun dereito básico fundamental, que resumimos neste vídeo.
