Campaña nas Illas Baleares de protección contra o golpe de calor

O Instituto Balear de Seguridade e Saúde Laboral (IBASAL) puxo en marcha a campaña: "Protéxete do golpe de calor" para concienciar a traballadores e empresas da importancia de aplicar medidas preventivas para minimizar os efectos negativos da exposición laboral ás altas temperaturas. 

Para promocionar esta mensaxe elaboraron dous decálogos contra o golpe de calor para persoas traballadoras e para responsables de empresas ou organizacións.

Algúns dos consellos que ofrecen aos traballadores que realizan tarefas con altas temperaturas en interiores ou ao aire libre, ou con moita actividade física e calor son:

• Solicitar información sobre os riscos de exposición á calor, medidas preventivas e actuar en consecuencia.
• Evita a radiación solar directa e se non podes cubrir a cabeza e o corpo con roupa axeitada, usa lentes de sol e aplica protección solar.
• Beba auga e/ou bebidas isotónicas con frecuencia, aínda que non teña sede.
• Evite traballar illado se é posible.
• En caso de sentir algún síntoma de molestia, parar, avisar a un compañeiro e, se é necesario, contactar con urxencias (112) para aplicar o protocolo establecido.