Concepto, identificación e avaliación de movementos repetitivos de alta frecuencia

O INSST publicou recentemente o documento técnico:"Movementos repetitivos de alta frecuencia: concepto, identificación e avaliación" iso O seu obxectivo é abordar a identificación dos riscos que se derivan da realización de traballos con presenza de movementos repetitivos de alta frecuencia, así como presentar algúns métodos de avaliación, co fin de propor medidas preventivas de acordo cos resultados da devandita avaliación.

Existen moitos e variados traballos nun amplo abano de sectores produtivos nos que se pode producir a exposición ao risco de padecer TME derivado da realización de tarefas que impliquen movementos repetitivos. Nalgúns casos, como, por exemplo, cando se traballa en liñas de produción (conservas, automoción, industria alimentaria, entre outros), pode resultar doado identificar accións ou xestos que afectan a un mesmo grupo muscular e que se repiten constantemente. Noutros traballos, como, por exemplo, nas caixas de supermercados ou nos talleres mecánicos, aínda que ao longo do día se repiten moitas accións similares e as variacións de frecuencia e intensidade dificultan a análise da sobrecarga biomecánica que revelaría o risco de padecer TME.

Os factores de risco que determinan a aparición e desenvolvemento dun TME ao realizar tarefas repetitivas inclúen non só os movementos dos segmentos do corpo, senón tamén a frecuencia e duración das accións, as posturas adoptadas e a forza aplicada durante a tarefa. Ademais, deben terse en conta os factores de risco relacionados coa organización do traballo, e os factores ambientais asociados como a temperatura, a humidade, o ruído, as vibracións ou a iluminación do lugar de traballo.