Día Mundial dos Primeiros Auxilios: coñecelos, tan importante como compartilos. A historia de Davinia
Non hai cobertura. Non hai estradas. O centro de saúde máis próximo está ao outro lado dun río, pero non un río calquera, o río Gambia, un dos máis grandes de África. No medio do bosque, hai centos de pequenas comunidades formadas por unhas poucas familias. Con escaseza de recursos, con dificultades e sen acceso a servizos básicos, como a sanidade. Cada ano, o Día Mundial dos Primeiros Auxilios lémbranos a importancia de saber actuar nos primeiros minutos ante unha emerxencia xa que pode marcar a diferenza entre vivir e morrer. Pero que facer se ninguén sabe como actuar? Hoxe contámosvos a historia de Davinia Arraez, enfermeira, adestradora, nai, muller comprometida, amante dos deportes de aventura e compañeira da nosa dirección provincial de Pamplona, que este verán viaxou a Senegal e fíxoo para impartir primeiros auxilios.
