RECIBE NOTIFICACIÓN POR SMS SOBRE O PAGAMENTO DA SÚA PRESTACIÓN

A partir do 21 de xaneiro de 2013, inauguramos un novo servizo de comunicación por SMS para os nosos mutualistas en “pago directo”. Estes traballadores, beneficiarios dunha prestación económica pola súa incapacidade temporal para o traballo, reciben os seus traslados directamente de Fraternidad Muprespa.

O novo servizo contempla que cada traballador reciba unha mensaxe SMS ao inicio da prestación, cando teña recoñecido o seu dereito a recibila. Esta mensaxe inclúe a clave para acceder ao Servizos Extranet desde O servizo tamén enviará ao traballador unha nova mensaxe SMS, en cada período no que reciba un pagamento (bisemanal ou mensual), confirmando que se realizou o traslado.

Esta nova utilidade mellorará o acceso á información dun colectivo de máis de 45.000 traballadores que ao longo do ano son susceptibles de percibir a prestación por incapacidade temporal na modalidade de “pago directo”.

A posta en marcha deste servizo, que se suma ao servizo de “Recordatorio de citas por SMS” que funciona dende 2012, é unha mostra máis da aposta continuada de Fraternidad-Muprespa polas novas tecnoloxías para facilitar a xestión, e posibilitar o acceso electrónico dos cidadáns aos servizos públicos, en liña co resto das Administracións Públicas.