Erantzukizun Sozial Korporatiborako eta Garapen Jasangarriaren Helburuetarako ekintzen Memoria

Fraternidad-Muprespa Mutualitatearen Erantzukizun Sozialak oinarri du praktika arduratsuak jarduera-alor guztietan sustatzea, barne hartzea eta zabaltzea, eta era berean bere balio eta printzipioak sustatzea, baita Plan Estrategiko Korporatiboetako lerro eta helburu estrategikoak zehatzago lortzea ere, bereziki Mutualitatearen gardentasun, jasangarritasun eta lehiakortasunaren alde eta interes-taldeen artean partekatzen diren balioak sortze aldera.

Gardentasuna eta gobernatze korporatibo ona bultzatzen duten ekintzak ezarriz, Mutualitateak enpresen konfiantza areagotzen du. Giza baliabideak modu arduratsuan kudeatuz gero, lanarekiko eta entitateko pertsonen artean dugun harremana hobetzen da. Ingurumena errespetatzeak eta kontsumo arduratsuak eragina dute jarduera-ildo bakoitzaren helburuetan (kalitatea, konfiantza, eraginkortasuna...). Garapenerako kooperazio-jarduerek gizartearekiko harremana hobetzen eta gure ikusgaitasuna areagotzen laguntzen dute.

2021. urtetik, Fraternidad-Muprespa Mutualitatea irmo saiatu da bere Erantzukizun Sozialeko ekintzak Garapen Jasangarrirako Helburuekin (GJH) lotzen 2030 Agendan aurrera egite aldera.

Jarduera-ildoak

Erantzukizun sozialaren inguruan zer eta nola egiten den kontrolatzeko, MutualitateakErantzukizun Sozial Korporatiborako Batzorde bat du, jarduera-ildoak zehaztu eta ikuskatze aldera legeak eskatzen dituen puntuak zorrotz betez:

  • ESK eta Jardunbide Etikoa txertatzea
  • Lan Jardunbide Arduratsuak
  • Erantzukizun Soziosanitarioa
  • Boluntariotza Korporatiboa eta Interes Sozialeko beste Jarduera batzuk
  • Ingurumen jasangarritasuna
¿Erabilgarria izan al zaizu eduki hau?
(reset)
¡Mila esker zure botoagatik!

Puntuak: -2