Comeza a segunda fase do Observatorio de Bienestar Digital-Laboral
Fraternidad-Muprespa, xunto con Fundación Personas y Empresas e CIPA-STUDIUM (Universidade Camilo José Cela), pon en marcha a segunda fase do Observatorio Dixital-Traballo, centrada na desconexión dixital. O obxectivo é analizar o impacto dos usos e hábitos dixitais no benestar e saúde laboral dos traballadores.
Esta segunda fase dálle continuidade ao estudo desenvolvido en 2025, que permitiu analizar o impacto da tecnoloxía na saúde laboral a partir de 565 enquisas e que puxo de manifesto a crecente exposición dixital dos traballadores, así como a necesidade de avanzar en modelos de xestión que garantan un uso equilibrado e saudable das ferramentas tecnolóxicas no ámbito profesional.
A partir dos datos obtidos na enquisa, tresgrupos focales, formado cada un por oito persoas, entre usuarios, expertos e responsables, realizarán a súa análise. Os resultados presentaranse o vindeiro mes de decembro.
Deste xeito, as entidades promotoras do observatorio seguen xerando coñecemento sobre a saúde e o benestar dixital no ámbito laboral, identificando os principais retos asociados á desconexión dixital e aportando solucións, boas prácticas e medidas preventivas que contribúan a promover contornas de traballo máis saudables e sostibles.
A enquisa consta de dez bloques de preguntas que se poden completar en aproximadamente dez minutos de forma anónima.
Con esta segunda edición, Fraternidad-Muprespa reafirma o seu compromiso tanto coa promoción de ambientes de traballo máis seguros e saudables como coa evolución técnica da prevención nun escenario de dixitalización e transformación dos modelos de traballo.
