Envíanos as túas suxestións e parabéns a través dun código QR
Non cabe dúbida de que na nosa situación actual provocada polo COVID-19, calquera medida que minimice o risco de contaxio é benvida, como limitar ao máximo o uso de documentos en papel e a súa circulación.
Por este motivo e seguindo o noso proxecto de transformación dixital, presentamos unha nova canle adicional, para que pacientes e mutualistas poidan enviarnos as súas suxestións e parabéns.
En cada un dos nosos centros atoparás visible un código QR, que poderás escanear a través do teu móbil ou tableta e acceder a un formulario no que poderás escribir tanto suxestións como agradecementos, sen necesidade de utilizar papel.
Con esta iniciativa seguimos avanzando na dixitalización da Mutua e da oficina sen papel.
Por suposto, tampouco esquecemos que é unha medida de aforro de papel, coa que colaboramos na sustentabilidade ambiental.
