Informe de accidentes entre traballadores das empresas de traballo temporal
O Instituto Nacional de Seguridade e Saúde no Traballo (INSST) publicou o documento titulado Accidentes de traballadores adscritos por empresas de traballo temporal. Informe xaneiro - decembro de 2019.
Desde o ano 2011, o INSST recolle nos seus informes periódicos estas análises específicas que permiten coñecer a evolución da sinistralidade laboral nos postos de traballo desempeñados por traballadores adscritos polas ETT. O obxectivo é dispor de indicadores que nos permitan coñecer a evolución da sinistralidade laboral en postos de traballo ou ocupacións especialmente perigosos para a seguridade e saúde laboral e que son realizados por traballadores adscritos por empresas de traballo temporal, así como detectar colectivos de traballadores máis vulnerables.
A poboación destinataria está formada polos afiliados á Seguridade Social, coa continxencia de accidentes de traballo cuberta, que son asignados, con periodicidade mensual, por empresas de traballo temporal de todo o territorio español. Pola súa banda, a base de sinistralidade do estudo son os accidentes con baixa que se producen mensualmente entre os traballadores adscritos por ETT en todo o territorio español.
En Manuais de boas prácticas con que pretendemos ofrecer unha visión xeral dos riscos que poden existir no ámbito laboral, dando recomendacións sobre medidas preventivas que se poden aplicar para reducir riscos e promover comportamentos seguros.___
