FRATERNIDAD-MUPRESPA COLABORA COA UNIVERSIDADE DE MÁLAGA
A Mutua Colaboradora coa Seguridade Social, Fraternidad-Muprespa, foi invitada por segundo ano consecutivo a colaborar coa Universidade de Málaga, para impartir unhas charlas sobre o funcionamento e particularidades das Mutuas Colaboradoras coa Seguridade Social.
As xornadas, que tiveron lugar os días 27 e 29 do mes de outubro, están enmarcadas no acordo asinado entre as dúas institucións o pasado 23 de xaneiro de 2012.
D. Andrés Ruiz Martínez, director da delegación de Fraternidad-Muprespa en Vélez-Málaga e Dª Marina Fernández Ramírez, titular do Departamento de Seguridade Social da Facultade de Estudos Sociais e do Traballo, foron os encargados de impartir os relatorios, dirixidos aos alumnos do segundo curso do Grao de Relacións Laborais. Estas xornadas complementaranse cunha visita dos alumnos ás instalacións da Mutua, que se levarán a cabo na primeira quincena do mes de xaneiro.
Fraternidad-Muprespa continúa a súa aposta pola formación, a transparencia e a colaboración con diferentes organismos e entidades.
" A súa Mutua - Calidade e Servizo, 365 días ao ano"
