Revisión de evidencias e boas prácticas sobre vixilancia da saúde na exposición ao radón laboral
O Ministerio de Sanidade publicou recentemente o documento titulado: "Revisión de evidencias e boas prácticas sobre vixilancia específica da saúde en persoas expostas ao radón laboral".
Coa actualización do Regulamento de Protección da Saúde fronte aos riscos derivados da exposición a radiacións ionizantes, os empresarios deberán manter un control e historial dosimétrico dos traballadores expostos ao radón, entendéndose como expostos a aqueles traballadores que poidan superar os 6 mSv, pois no seu posto de traballo a concentración de radón supera os 300 Bq/m3.
A información sobre exposición ao radón deberá transmitirse ao Servizo de Prevención, que será o encargado de avaliar e decidir como debe ser a vixilancia da saúde dos traballadores expostos ao radón, indicando, por exemplo, a relevancia dun recoñecemento médico ou actuacións de calquera outro tipo dirixidas á prevención ou detección precoz do cancro de pulmón.
O documento propón localizar e analizar as boas prácticas existentes e a evidencia científica sobre a vixilancia específica da saúde dos traballadores expostos ao radón e valorar as principais alternativas dispoñibles para a vixilancia específica da saúde dos traballadores expostos e a súa posible aplicación ao contexto español.
