O/a traballador/a social dunha mutua de seguros realiza un conxunto de actividades que teñen por obxecto o estudo dos factores sociais que inflúen nos traballadores tras un accidente de traballo ou enfermidade profesional, atendendo as situacións de malestar psicosocial que se presenten, e colaborando no proceso de recuperación e reinserción sociolaboral do traballador accidentado.
O obxectivo é que o accidente laboral non sexa motivo de perda de calidade de vida, discriminación ou marxinación social. O accidente laboral altera a dinámica social tanto do traballador accidentado como do ámbito familiar, facendo necesaria, ademais dunha adecuada atención sanitaria, a intervención dos traballadores sociais para minimizar os efectos que o accidente de traballo ou enfermidade profesional provoca.