Fraternidad-Muprespa concede máis de 1.300.000 € en axudas sociais
A Mutua Colaboradora coa Seguridade Social Fraternidad-Muprespa, concedeu un total de 866 axudas sociais, por un importe de 1.308.149 € a través da súa Comisión de Prestacións Especiais. Duplicouse así o importe económico do exercicio anterior, respondendo a un 250% máis de solicitudes que en 2015.
Destacan pola súa contía 91 axudas ao fogar, 242 para gastos de acompañamento, 126 axudas ao estudo, 55 para axudas técnicas no fogar, 30 para adaptación das mesmas, e así sucesivamente ata 866 por circunstancias moi variadas.
Este é o resultado da finalidade da nosa Entidade: difundir e promover a concesión deste tipo de axudas.
Estas outórganse a través da Comisión de Prestacións Especiais, órgano paritario de participación, que, co fin de paliar situacións concretas, presta axudas aos traballadores que sufriron accidente de traballo ou enfermidade profesional e que abranguen desde axudas técnicas, adecuación de vivendas ou vehículos, asistencia no fogar ou un amplo catálogo de situacións. Presta especial interese aos casos de discapacidade así como as axudas aos familiares ou persoas afíns dos traballadores que se atopen en situación de especial necesidade e carezan de medios para afrontalo.
A axuda concédese con cargo á reserva de asistencia social, que foi establecida pola Lei de Mutuas, e que se dota do 10% dos remanentes anuais que obteña a Entidade, logo da constitución das reservas legais.
Tamén complementan as prestacións garantidas polo sistema da Seguridade Social.
