NOVA ESTRUTURA TERRITORIAL DA MUTUA Fraternidad-Muprespa

Fraternidad-Muprespa pon en marcha a súa nova estrutura de xestión territorial co fin de gañar en eficiencia e coordinación, o que, sen dúbida, redundará nun mellor servizo aos nosos asociados. A nova estrutura territorial que segue criterios de austeridade, pasando de oito a seis direccións, materializa a necesaria eficiencia na utilización dos recursos que persegue a Administración Xeral do Estado, a Seguridade Social e, polo tanto, tamén esta Mutua.

A estrutura territorial de Fraternidad-Muprespa constitúese da seguinte forma:

•     Área de Madrid. (Grandes Mutualistas)
•     Zona Nordeste. (Cataluña, Aragón e Baleares)
•     Zona Sur. (Andalucía e Canarias)
•     Zona da Meseta Sur. (Estremadura, Castela-A Mancha, Murcia e Comunidade Valenciana)
•     Zona Norte. (Asturias, Cantabria, País Vasco e Navarra)
•     Zona Noroeste. (Castela e León e Galicia)

Dentro da nova estrutura territorial realizáronse os seguintes nomeamentos:

- D. Carlos Sáez de Juan asume a xestión en Cataluña, Aragón e Baleares.

Diplomado en Empresariais e Actividades Turísticas pola Universidade Rovira i Virgili e MBA en Dirección e Administración de Empresas pola mesma Universidade. Cunha ampla experiencia profesional no sector, incorporouse a Fraternidad-Muprespa para ocupar a Dirección Provincial de Tarragona. Posteriormente, en marzo de 2011, pasou a ser a Dirección Territorial de Cataluña e Aragón, á que, na actualidade, se suma a dirección de Baleares.

- D.a Sonia Medrano Pascual encárgase da xestión de Andalucía e Canarias.

Licenciada en Medicina, especialista en Medicina do Traballo, Técnica Superior de Prevención de Riscos Laborais nas tres especialidades, está formada en Alta Dirección polo Instituto Internacional San Telmo. Ingresou en Fraternidad-Muprespa en 1989 como médico sanitario, traballando posteriormente na Unidade de Avaliación de Consecuencias de Madrid.  Tamén é Directora Médica Provincial en Málaga e desde febreiro de 2011 ocupa o cargo de Coordinadora de Asistencia Territorial de Andalucía.

- D. Jacobo Baró Pazos ocupa a dirección de Castela e León e Galicia.

Cunha ampla traxectoria profesional no sector, especialmente en Valladolid, onde ocupou nos últimos anos a dirección provincial da mutualidade con resultados de xestión positivos, afronta o novo reto de mellorar o servizo a empresas e traballadores e aumentar o volume de mutualistas da zona.

- D. José Ignacio Díaz Lucas asume a xestión de Asturias, Cantabria, País Vasco, Rioxa e Navarra.

Licenciado en Dereito pola Universidade de Navarra, Máster en Xestión Comercial e Mercadotecnia pola mesma Universidade e Mediador de Seguros titulado, ocupa os últimos 8 anos o cargo de Director Provincial en Navarra en Fraternidad-Muprespa, con resultados positivos en volume de mutualistas afiliados e rendibilidade económica da súa provincia.

- D. Eduardo Sanz Murillo toma dirección Estremadura, Castela-A Mancha, Levante e Murcia.

Licenciado en Dereito pola Universidade de Alcalá de Henares, Técnico Superior en Prevención de Riscos Laborais nas tres Especialidades e Asesor en Seguridade, Hixiene e Saúde Laboral pola mesma Universidade. Cunha ampla traxectoria de máis de 25 anos no sector da Mutua.

Dende Fraternidad-Muprespa desexámoslle o maior éxito profesional na súa misión para que esta Mutualidade ofreza o mellor servizo posible aos seus mutualistas, e así poida converterse na Mutua de referencia.