Os mandos intermedios, a peza clave na prevención
Coincidindo co Día Mundial da Seguridade e a Saúde no Traballo, na Fraternidad-Muprespa celebramos a VI Semana da Prevención co como obxectivo xerar unha cultura preventiva entre as nosas empresas asociadas.
Celebramos este ano a sexta edición co lema:“Ante a sinistralidade laboral, abre os ollos. ACTIVA A VISIÓN CERO”, na que trataremos de acadar o obxectivo de dar a coñecer outro xeito de abordar a prevención, máis eficaz e que mellora a competitividade e a produtividade da empresa. Esta nova forma de prevención busca xerar un pensamento responsable nas empresas mutualistas, baseado nos valores de promoción da saúde dos seus traballadores, promovendo un cambio de actitudes e, en consecuencia, mellorando os comportamentos de seguridade.
Ao longo destes días imos presentando diferentes documentos relacionados coa cultura Visión Cero que é o tema central da VI Semana da Prevención.
Queremos centrarnos hoxe no documento publicado pola Confederación de Asociaciones Empresariales de Baleares titulado Os directivos intermedios, peza clave na prevención de riscos laborais.
Trátase dun traballo a través do que se pretende orientar sobre as medidas que debe poñer en marcha a empresa para potenciar o papel dos mandos intermedios en materia de seguridade e saúde laboral e para difundir os dereitos e obrigas que teñen nesta materia.
