Jarduera uzteagatiko aparteko prestazioen berrikusketa, martxoaren 17ko 8/2020 Errege Lege Dekretuaren 17. artikuluan araututakoak
2020ko martxoan, COVID-19 krisiaren eragin ekonomiko eta sozialari aurre egiteko presako eta aparteko zenbait neurri jarri ziren indarrean, besteak beste, jarduera uzteagatiko aparteko prestazio bat (aurrerantzean, PECATA), beren jarduera uztea behartuta zeuden norbere konturako langileentzat, alarma-egoeraren adierazpenaren ondorioz, edo aurreko sei hilabete naturaleko batez besteko fakturazioa gutxienez % 75 murriztu dutenentzat.
Prestazio horiek behar zituzten langileen etxeetara helarazteko beharra eta premia zirela eta, hasiera batean behin-behineko onarpena egin zen, eta behin betiko onarpena Gizarte Segurantzarekin elkarlanean diharduten Mutualitateen berrikuspenari baldintzatu zitzaion.
COVID-19tik eratorritako osasun-krisiaren egoerarekin lotutako prebentzio-neurri guztiak amaitu direla ikusirik, Fraternidad-Muprespa mutualitatean behin-behineko onartu ziren PECATA prestazioak berrikusten hasi gara.
Mutualitateak jasotako eta kontsultatutako dokumentazioa eta informazioa behar bezala aztertu ondoren, egiaztatu ahal izan dugu, ZURE KASUAN, arauan ezarritako PECATA prestazioa jasotzeko baldintza guztiak BETETZEN DITUZULA, eta, beraz, EZ DUZU INFORMAZIO GEHIGARRIRIK EMAN BEHAR. Horregatik, BEHIN-BEHINEKO ebazpena BEHIN BETIKOA da orain.
Ohiko galderak
Ez duzu kudeaketa gehigarririk egin behar. Mutualitateak behar diren egiaztapenak egin dituelarik, zure espedientea amaitutzat eman du eta bere garaian jasotako PECATA prestazioa ZUZENTZAT jo du.
Behin-behineko aitorpena egin, prestazioa ordaindu eta lau urte igaro ondoren, ezin da aitortutako eskubidea baliogabetu.
Edozein zalantza argitzeko ohiko bideak erabil ditzakezu.