fraternidad.com
Urgencias: 900269269
Volver

ESCULTURA ESCOLÁSTICO ZALDÍVAR

24/07/2013, Fraternidad-Muprespa, Dpto. de Relaciones con Asociados y Comunicación
 

Na celebración da Xunta Xeral Ordinaria da Mutua, por primeira vez fíxose entrega do Premio Escolástico Zaldívar ao mellor proxecto presentado polas nosas empresas asociadas e que premia a proxección e posta en marcha de accións destinadas a garantir a seguridade e saúde dos traballadores con discapacidade.

Como complemento ao premio económico decidiuse a realización dunha escultura conmemorativa. Dado que o premio ía dirixido á prevención dos discapacitados nas empresas, o mellor xeito de relacionalo era que unha persoa de capacidades diferentes realizase a escultura.

Deste xeito buscamos fundacións que se dedicasen a promover a arte e encontramos a Fundación DALMA, que ten un proxecto CONTODOARTE con varios pintores e un escultor, Álvaro Moreno Mazarredo, o noso artista.

Propuxémoslle varios temas e finalmente decidimos que realizar o logo da Mutua era a mellor opción. E así empezou a escultura, ao principio plana, despois con volume, máis rústica, etc.

Foi un grande esforzo para el, pero xa forma parte da historia de Fraternidade-Muprespa e sabemos que está moi orgulloso de selo. E para nós é unha satisfacción ver que o resultado final foi o esperado.

Tivemos unha relación perfecta, a cada detalle que lles pediamos, nunca había unha negativa pola súa banda e fixéronnos todo tan doado que non temos máis que palabras de agradecemento, tanto para Álvaro, para a súa irmá e coma para a directora da Fundación, Charo.

Achegámoslles un vídeo da Fundación DALMA, para que vexan o proxecto que teñen. Esperamos que lles guste.


"A súa Mutua - Calidade e Servizo, 365 días ao ano,"
Portal clásico
MCSS nº 275 - © Fraternidad-Muprespa 2016