Sanidade no estranxeiro

Se se produce un accidente de traballo no estranxeiro, a asistencia sanitaria prestada ao traballador asimilarase á recibida nesa mesma zona por calquera continxencia en España.

Que se ofrece aos traballadores desprazados no estranxeiro?

• Orientación telefónica, no número habilitado para este fin:

(+34)   902> 26 (+34) 913 896 398

• A asistencia de emerxencia e a súa continuación, cos medios e extensión correspondentes en función da normativa aplicable e dos convenios existentes.
• Pago do transporte sanitario previa autorización da Mutua para a continuación do tratamento en territorio nacional.

Requisitos para a cobertura da Mutua

• Os mesmos requisitos e nas mesmas condicións que en territorio nacional, en canto á relación de seguro.
• Declaración da empresa da relación laboral do accidente.
• Aceptación do mesmo por parte da Mutua.
• Así mesmo, a aceptación estará condicionada a que a empresa e o traballador teñan cumpridos os trámites necesarios en cada caso e soliciten asistencia nos centros regulados pola normativa ou convenios vixentes.

Trámites

Antes de realizar a viaxe, o traballador e a empresa deberán realizar os correspondentes trámites para os traballadores desprazados no estranxeiro ante a Seguridade Social:

• Cubrir os impresos específicos do país de destino da Seguridade Social (TSS).
• Solicitar a Tarxeta Sanitaria Europea (TSE), para os países da UE, o Espazo Económico Europeo (EEE) e Suíza.
   

Reembolso de gastos

• A Mutua non adiantará ningún importe pola asistencia sanitaria recibida.
• Nos países nos que non sexa de aplicación a normativa comunitaria ou naqueles nos que a asistencia non estea contemplada en convenio bilateral, o traballador deberá:
  • Acudir aos centros públicos e presentar o correspondente formulario.
  • Pagar o importe da asistencia sanitaria recibida.
  • Poderá solicitarse o reembolso da Mutua, coa documentación previa que acredite a asistencia médica.

En Fraternidad-Muprespa recomendamos sempre que as persoas que se muden teñan un seguro que cubra os gastos médicos e de accidentes durante a súa estadía para evitar situacións de falta de atención ou grandes desembolsos.