Compensación dos gastos de transporte

A Orde TIN 971/2009, do 16 de abril, pola que se establece a compensación dos gastos de transporte nos casos de asistencia sanitaria derivada de riscos profesionais.

Resolución do 21 de outubro de 2009, da Secretaría de Estado da Seguridade Social, pola que se ditan instrucións para a compensación dos gastos de transporte nos supostos de asistencia sanitaria derivada de riscos profesionais e comparecencias para recoñecementos ou valoracións médicas.

• Por continxencias profesionais: gastos de transporte derivados de desprazamentos para recibir calquera tipo de asistencia sanitaria, sempre que se realicen nos medios de transporte que previamente autorice a Mutua.
• Por continxencias comúns: só os gastos de transporte derivados dos desprazamentos con motivo de comparecencias para consultas de control e seguimento que requira a Mutua, sempre que se realicen nos medios de transporte previamente autorizados por esta.

Tamén terá dereito á indemnización dos gastos de transporte derivados das comparecencias, esixidos polo Instituto Nacional da Seguridade Social (INSS).

• Salvo que se indique expresamente o contrario por escrito, o transporte público colectivo (excluídos os taxis) entenderase sempre como medio de transporte autorizado.
• A autorización para utilizar un taxi debe ser sempre previa á viaxe e constar expresamente por escrito.
• As viaxes entre provincias que requiran o uso de tren, avión ou barco tamén requirirán autorización expresa por escrito e suporán autorización para viaxar en clase turística e á tarifa máis económica.
• Uso de vehículo particular:
  • Cando se despraza fóra do lugar de residencia, o traballador poderá optar por utilizar o seu vehículo particular (sen necesidade de autorización da Mutua).
  • Cando se desprace dentro do lugar de residencia, só se compensará o custo do vehículo privado cando non existan medios de transporte público colectivo dispoñibles. Nestes casos, deberá existir necesariamente a autorización previa, expresa e por escrito da Mutua.

• No caso de utilizar medios de transporte público, a indemnización cubrirá o importe total do billete á tarifa máis económica e só se aboará previa presentación do xustificante de gasto (ticket ou factura).
• No caso de utilizar un vehículo particular, o importe da compensación dos gastos calcularase exclusivamente en función da quilometraxe e a razón de 0,19 €/km.

O dereito a ser indemnizado polos gastos de transporte, nos supostos de asistencia sanitaria derivada de riscos profesionais e comparecencias para recoñecementos ou valoracións médicas, expira ao ano natural de producirse o gasto (art. 54 TRLGSS).

• A solicitude de compensación dos gastos de desprazamento debe realizarse no formulario oficial da Mutua (dispoñible en calquera dos nosos centros ou no noso portal web).
• Se a solicitude é presentada por unha persoa distinta do beneficiario, deberá achegar autorización escrita do beneficiario e fotocopia do DNI/NIE de ambos.
• Cada un dos gastos cuxo importe se pretenda compensar deberá ir acompañado do xustificante que permita a comprobación da data e do importe do gasto (ticket ou factura), agás o gasto derivado da utilización do vehículo particular (que non requirirá ningún xustificante).

Polo tanto, non se compensará o gasto derivado da utilización de tarxetas de título de transporte persoal (vales mensuais) ou calquera outro medio que non permita a comprobación da data na que se produce o gasto e do importe a compensar.

• Os gastos de desprazamento realizados por medios de transporte que requiran autorización expresa e por escrito, e que sexan doutras Organizacións alleas á Mutua, deberán ir acompañados deste.
• Os gastos de desprazamento a centros distintos dos da Mutua deberán ir acompañados do xustificante de asistencia do centro no que conste os días de asistencia para consulta ou tratamento.
• Os gastos de desprazamento ás comparecencias requiridas polo INSS deberán ir acompañados do xustificante da cita efectuada pola devandita entidade.

Os gastos de viaxe cuxa indemnización se solicite NON SE PAGARAN sen achegar a documentación requirida en cada caso.

Os gastos de transporte só se aboarán a un acompañante, por medio de transporte ordinario, cando a axuda do acompañante sexa imprescindible para o transporte do paciente e exista autorización previa por escrito e expresa do médico da Mutua.