FRATERNIDAD-MUPRESPA REALIZA A SÚA TERCEIRA CAMPAÑA DE DOAZÓN DE SANGUE

O 21 de decembro, Fraternidad-Muprespa realizou a súa terceira Campaña de Doazón de Sangue.

O centro de San Agustín, situado en Madrid, foi o elixido pola Cruz Vermella para actuar como Centro de Transfusión por unha mañá.

En total acudiron 27 traballadores de Servizos Centrais correspondentes aos centros de Cánovas, Cervantes e San Agustín que quixeron participar voluntariamente e de xeito altruísta colaborando con este proxecto solidario.

Foi unha xornada moi positiva para os doadores e os profesionais sanitarios.

A Cruz Vermella fíxonos chegar un agradecemento a tod@s l@s doadores de Fraternidad-Muprespa pola resposta recibida na campaña de doazón de sangue.

A doazón de sangue é un acto responsable, comprometido, altruísta e de gran valor. O sangue humano é unha substancia que actualmente non pode fabricarse, motivo polo cal é necesario ter depósitos para paliar os posibles problemas sanitarios de persoas que requiren transfusións.

O sangue que se obtén grazas ás doazóns é destinado ao tratamento de moitas enfermidades.