A Mutua asina un convenio de colaboración coa Facultade de Medicina da Universidade de Navarra
O pasado 25 de abril, Fraternidad-Muprespa e a Universidade de Navarra asinaron un importante Acordo Marco de Cooperación Educativa, polo que se establece un programa de prácticas externas para estudantes de Medicina da Universidade de Navarra, integrado na súa formación académica.
O acordo foi asinado por Carmen Ferrer de Cabo, xerente da Facultade de Medicina da Universidade de Navarra e por Manuel Porrúa, director do Centro de Recursos Humanos e RSE.
Fraternidad-Muprespa, Colaboradora Mutua coa Seguridade Social, ten como obxectivo desenvolver, mediante a colaboración co Ministerio de Emprego e Seguridade Social, actividades que lle permitan participar na formación dos universitarios co fin de contribuír á súa formación integral e facilitar o coñecemento da metodoloxía de traballo para un mellor desempeño do seu traballo profesional.
Durante os catro anos de validez deste convenio, Fraternidad-Muprespa participará na formación dos estudantes de Medicina da Universidade de Navarra, co obxectivo de aportar un valor engadido á súa traxectoria profesional.
