NOVO RECOÑECEMENTO Á CALIDADE SANITARIA PARA FRATERNIDAD-MUPRESPA. III EDICIÓN ACREDITACIÓN QH+ 1

O Instituto para o Desenvolvemento e Integración da Sanidade (IDIS) concedeu a acreditación QH+ 1 estrela a Fraternidad-Muprespa, Mutua Colaboradora coa Seguridade Social, o pasado día 8 de novembro.

O acto de entrega das acreditacións QH a 21 novas organizacións celebrouse en Madrid e foi inaugurado polo presidente de IDIS, Adolfo Fernández-Valmayor quen puxo de manifesto que “sen calidade non hai compromiso e sen compromiso non hai confianza e que estás acreditacións tratan de recoñecer aquilo que se fai ben”. Manuel Vilches, director xeral de IDIS, felicitou as 21 organizacións acreditadas.

Elena Andradas, directora xeral de Saúde Pública, Calidade e Innovación, do Ministerio de Sanidade, Servizos Sociais e Igualdade comentou que “as acreditacións que hoxe se entregan na súa terceira edición son un estímulo para afianzar a promoción da saúde”.

Ignacio Herrero, cofundador de The Customer Spirit, pronunciou unha conferencia sobre "A transformación das empresas na Era do Cliente" da que cabe destacar que "Antes pensabamos nos pacientes e agora hai que poñerse no lado do paciente ou cliente. O hospital non se ve igual en vertical que en horizontal".

Natalia Fernández Laviada, subdirectora de Prevención, Calidade e Comunicación da Mutua, foi a encargada de recoller a “Acreditación QH +1 estrela”.

A Acreditación QH é unha unidade de medida que integra, agrupa e pondera os compoñentes dos sistemas de calidade aplicados nos centros sanitarios españois. É un recoñecemento único, universal e gratuíto da calidade, que neste caso se entregou a Fraternidad-Muprespa por implantar un sistema de calidade progresivo e continuado no tempo. Esta acreditación tense que renovar ou mellorar cada dous anos.