Iniciativas solidarias dos nosos mutualistas

No actual estado de alarma, con gran parte da poboación confinada nos seus fogares debido á pandemia do coronavirus COVID-19 declarada pola OMS, en Fraternidad-Muprespa sentímonos orgullosos de todas aquelas pequenas, medianas e grandes empresas, asociacións e institucións mutualistas que están a colaborar solidariamente para paliar os efectos adversos desta situación e mellorar a vida dos cidadáns, achegando bens e servizos de xeito desinteresado ou realizando un esforzo extra alén das súas competencias habituais.

Os medios de comunicación estanse a facer eco destas accións, que non pasaron inadvertidas para a nosa Entidade. Empresas mutualistas como Cruz Vermella, Telefónica, Endesa, Inditex, Real Madrid, Correos, Repsol, Axa, Mercedes Benz, Iberia, Aena ou Mutua Madrileña, por citar só algunhas do máis do centenar do que temos noticias, están a contribuír co seu gran de area para superar esta crise sanitaria.

Por esta circunstancia, en Fraternidad-Muprespa tomamos a iniciativa de traballar no proxecto #MutualistasSolidariosFM, coa publicación dun informe audiovisual para agradecer e dar visibilidade a todas aquelas empresas asociadas que, en maior ou menor medida, levaran a cabo algún tipo de acción social durante a pandemia, e que publicaremos no noso portal web e nas nosas redes sociais unha vez que se declare o fin desta.

Para non nos esquecer de ninguén, gustaríanos coñecer calquera xesto solidario dos nosos mutualistas, independentemente do seu tamaño e sector; por iso, animámolos a que nos envíen ao enderezo de correo (comunicacionFM@fraternidad.com) unha breve recensión do seu acto altruísta, acompañada dunha imaxe ou vídeo da empresa e logotipo.

Asunto: MutualistasSolidariosFM

• Nome de empresa
• Recensión
• Fotografía ou vídeo