A prevención chega ao colexio La Salle Sagrado Corazón de Xerez da Fronteira

Con motivo do Día Mundial da Seguridade e Saúde no Traballo, e no marco da II Semana da Prevención organizada por Fraternidad-Muprespa, Mutua Colaboradora coa Seguridade Social, quixemos levar a cultura preventiva ás escolas, profesores e alumnado.

Por este motivo organizamos o día 26 abril no colexio La Salle Sagrado Corazón en Xerez da Fronteira unhas charlas divulgativas sobre Prevención de Riscos, co lema “Levar a prevención á escola“, dirixidas a profesores e alumnos de 3º e 4º de primaria, así como a 1º e 2º de educación secundaria.

A xornada foi inaugurada por Francisco Jiménez Gómez, responsable de prevención de riscos do colexio e, a continuación, Ángel Merlo, técnico superior en Prevención de Riscos Laborais de Fraternidad-Muprespa, desenvolveu un interesante relatorio destinado aos alumnos de primaria e secundaria, explicativo e dinámico, no que tamén interviñeron os asistentes.

Finalmente, Isabel Visquert, directora da delegación de Xerez de Fraternidad-Muprespa, clausurou a xornada agradecendo o interese demostrado por todos os presentes e comentou a importancia do Día Mundial da Seguridade e Saúde no Traballo, ademais de recordar a profesores e alumnos que a prevención ten que comezar dende a escola.