Natalia Fdez. Laviada, subdirectora general de Fraternidad-Muprespa, a la derecha de la imagen

Fraternidad-Muprespa, jardunaldi teknikoan eta Premios Prevencionar 2020 Sarien banaketa-ekitaldian izan zen

Gosariak
Autor
Fraternidad-Muprespa

Kordobako Unibertsitateko errektoretzak pasa den ostegun eta ostiralean hartu zituen Premios Prevencionar 2020 III. Sarien jardunaldi teknikoa eta banaketa-ekitaldia. Nazioarteko sari horien irabazleak jakinarazi ziren bertan, lan-arriskuen prebentzioaren eta lan-osasunaren sektoreko profesional eta enpresa esanguratsuak aintzatesten dituztenak. 

Bi hitzordu horietan Fraternidad-Muprespa izan zen, Natalia Fdez Laviada Prebentzio, Kalitate eta Komunikazio zuzendariorde nagusiak ordezkatuta. Nataliak gogotsu parte hartu zuen epaimahai zorrotzean, eta honako sari hauek banatu zituen: Comunicación en PRL (laneko arriskuen prebentzioaren inguruko komunikazioa) saria Fellowes enpresari, Prevencionar ODS (GJH prebenitzea) saria Quinton laborategiei, Mejor Práctica Preventiva (Praktika Prebentiborik Onena) saria Prevencontrol enpresari eta Enpresa Handiaren kategorian Prevencionar Saludable (Prebentzio Osasungarria) saria, Bilboko Portuko Agintaritzari.

Ehun bat goi-zuzendarien aurrean, hamalau kategorietako sariak jaso zituzten osasunaren, segurtasunaren eta lan-ongizatearen arloan benetako aurrerapena ekarri duten erakundeek; horien artean, Gizarte Segurantzarekin lankidetzan diharduten bi Mutualitatek: 15 zk. duen eta Gizarte Segurantzarekin lankidetzan diharduen Umivale-k, GA Group-ekin, Bide Segurtasunaren saria jaso zuen; eta 151 zk. duen eta Gizarte Segurantzarekin lankidetzan diharduen Asepeyo-k, +compromiso aliantzakoa, Prebentzio Berrikuntzaren saria jaso zuen.

Sari-banaketaren bezperan jardunaldi tekniko bat ospatu zen, prebentzioaren eta osasunaren arloko profesional ospetsuekin ezagutzak partekatzeko. Natalia Fdez. Laviadak “Ondo komunikatu, hobeto prebenitzeko” hitzaldia eman zuen. 

Bertan Fraternidad-Muprespa mutualitatearen inguruan alderaketa adierazgarria egin zuen: Steve Jobs-ek iPad-a mundu osoari teknologia hurbiltzeko diseinatu bazuen, hizkuntza informatiko konplexutik urrun mantentzeko, Fraternidad-Muprespa mutualitateak Prebentzioa enpresetara hurbiltzen ari da, bereziki enpresa txiki eta ertainetara, eta, oro har, gizartera, Komunikazioaren bidez eskuragarria eta ulergarria izan dadin. 

Prebentzioa ezin da besterik gabe prebentzioko adituetara mugatu; enpresen eta langileen eguneroko lanaren parte izan behar du, ordea, beharrezko prebentzio-kultura lortzeko eta lan-ingurune osasungarria, segurua eta osasungarria lortzeko.

Halaber, nabarmendu zuen pandemiaren ondorioz, prebentzioko espezialisten iritzia ez dela kontuan hartu komunikabideetan, “nahiz eta segurtasun eta osasunaren eremuan adituak diren, eta hori zen, hain zuzen ere, jokoan zegoena”. Esan zuenez, “honen inguruan hausnarketa egin behar dugu, zer egiten dugun edo zer ez dugun ondo egiten; izan ere, prebentzio-komunikazioa ezinbestekoa da pertsonengana iristeko eta jokabideak aldatzeko”.
Azkenik, nabarmendu zuen garrantzitsua dela III Premios Prevencionar sariak bezalako ekitaldi ausartak antolatzea, baldintza bereziki zailetan baina segurtasun handienarekin; hari esker sektorea ikusarazten da, eta onura ukaezinak ekarriko dizkie langileei, enpresei eta, oro har, gizarteari. 

Azken hamar urteotan hazkunde handia izan dute, eta, horren ondorioz, bost herrialdetan lanean dabiltza eta hamar milioi bisita baino gehiago izan dituzte mundu osoko 200 herrialdetatik, betiere beren ezagutzak laneko segurtasunaren eta osasunaren kulturara ekartzeko eta partekatzeko helburuarekin.