Fraternidad-Muprespa participa no XI Congreso Español de Medicina e Enfermaría do Traballo

Entre o 6 e 8 de febreiro pasado tivo lugar no Centro Corporativo do Banco Santander en Madrid o “XI Congreso Español de Medicina e Enfermaría do Traballo (CEMET): Adaptando o traballo ás capacidades”, organizado pola Asociación Española de Especialistas en Medicina do Traballo (AEEMT).

Na xornada do sábado, o doutor José Ignacio Mora, Director do Centro de Coordinación Asistencial e Control de IT de Fraternidad-Muprespa, participou na mesa “Reincorporación laboral tras o accidente de traballo e/ou enfermidade profesional” co relatorio titulado “Recuperación dos pacientes tras un accidente de traballo grave”. Na súa exposición puxo en común datos sobre a evolución dos accidentes de traballo e tratou como abordar a alta laboral tras procesos prolongados de incapacidade temporal.

Mora describiu as catro fases da reincorporación tras unha longa baixa, que deben pasar pola análise de situación da  empresa; un código de boas prácticas, orientando o conxunto de accións que melloran o servizo; o acordo coa representación das e dos traballadores; e a política de volta ao traballo, que debe incorporar o deseño de elementos que lideren a acción.

Tamén detallou  os cambios lexislativos derivados da resolución do pasado 28 de outubro sobre prestacións especiais.