A MUTUA FRATERNIDAD MUPRESPA COLABORA NA XORNADA SOBRE PREVENCIÓN DE RISCOS LABORAIS DO 14 DE MARZO EN LEÓN

A Fundación Francisco Largo Caballero, a Mutua Fraternidad-Muprespa e o Instituto Nacional de Seguridade e Hixiene no Traballo realizaron unha exposición itinerante que leva por título: "Traballo e saúde. Dende a protección á prevención", co obxectivo de sensibilizar da importancia da prevención e a protección no traballo.

A exposición fai un percorrido ao longo da historia analizando as mobilizacións obreiras que modificaron a lexislación social, as condicións de traballo e o coidado da  saúde chegando aos avances lexislativos e sociais producidos nestes últimos anos.