NOVA LEI DE PROCEDEMENTO ADMINISTRATIVO, XORNADA INFORMATIVA EN VIGO
O 26 de xaneiro de 2017, a Mutua Colaboradora coa Seguridade Social Fraternidad-Muprespa participou en colaboración co Círculo de empresarios de Galicia e ZERES Abogados nunha xornada informativa baixo o título: “Nova Lei de procedemento administrativo” que tivo lugar no salón de actos do Círculo de empresarios de Galicia de Vigo.
A presentación da xornada foi realizada por Jacobo Baró Pazos, director Territorial da zona Noroeste de Fraternidad-Muprespa, e por Fabián Valero Moldes, socio director da firma de avogados ZERES, especialistas en dereito do traballo. Agradeceuse especialmente a colaboración entre as entidades que divulgan as novidades da administración pública.
A continuación, Manuel López Sacristán, letrado do Centro de Asesoría e Servizos Xurídicos de Fraternidad-Muprespa, comentou as incidencias que supón esta lei, en relación coas mutuas colaboradoras coa Seguridade Social, e a regulación completa e sistemática que esta lei establece nas relacións entre as administracións e os administrados.
Posteriormente, desenvolveuse un interesante debate e abriuse unha quenda de consultas, na que participaron activamente todos os asistentes.
Clausurou a xornada Andrés Ortigueira Núñez, director da Delegación de Vigo de Fraternidad-Muprespa, agradecendo a todos os presentes a súa asistencia e participación.
