A Organización Mundial da Saúde (OMS) define telemedicina como “a prestación de servizos sanitarios (no que a distancia é un factor determinante) por parte dos profesionais sanitarios mediante o uso das tecnoloxías da información e da comunicación (TIC) para o intercambio de información válida para o diagnóstico, tratamento, prevención de enfermidades, investigación e avaliación e para a formación continuada dos profesionais sanitarios, todo isto co fin último de mellorar a saúde da poboación e das comunidades”.

O principal beneficio deste sistema é evitar o movemento dos pacientes, o que contribúe a unha maior axilidade no asistencia sanitaria, a redución dos tempos de diagnóstico e seguimento, así como o aforro nos gastos de desprazamento e aloxamento dos pacientes.