FRATERNIDAD-MUPRESPA REALIZOU EN TRES CANTOS UNHA XORNADA SOBRE O TRABALLADOR AUTÓNOMO

O pasado xoves 14 de xaneiro, a Mutua Colaboradora coa Seguridade Social Fraternidad-Muprespa realizou na Delegación de Tres Cantos da Mutua unha xornada informativa baixo o título “TRABALLO AUTÓNOMO: Réxime profesional e protección social”.

Dª Pilar Valencia, directora da Delegación de Tres Cantos de Fraternidad-Muprespa, inaugurou o acto e agradeceu a todos os asistentes a súa presenza, no que presentou os seus obxectivos e as súas particularidades.

A continuación, D. Francisco Barroso, director provincial adxunto de Fraternidad-Muprespa en Madrid, desenvolveu un interesante relatorio, onde se expuxeron as modificacións máis interesantes no articulado lexislativo que afecta o traballador autónomo, clarificando a evolución lexislativa, e os matices en canto á interpretación-aplicación da lei e o seu alcance e efectos sobre o colectivo que nos ocupa.

Como broche á exposición, xerouse un interesante coloquio, onde se puxeron de manifesto as peculiaridades de cotización e cobertura deste Réxime.

Dª Pilar Valencia tomou de novo a palabra para clausurar a xornada e manifestou a concienciación que ten Fraternidad-Muprespa sobre a importancia do Traballador Autónomo.