A MUTUA FRATERNIDAD-MUPRESPA REALIZOU O SEU XVIII SIMPOSIUM MÉDICO: LESIÓNS DE OMBRO NO ÁMBITO LABORAL

A Mutua Fraternidad-Muprespa inaugurou o seu XVIII Simposium Nacional “Actualización no Manexo das Lesións de Ombro no ámbito laboral” no Auditorio Duques de Pastrana de Madrid.

O acto de apertura e benvida estivo presidido por D. Carlos Aranda Martín, director xerente da Mutua, xunto á xerente do Hospital, Dª Elena López Eusebio e o presidente e vicepresidente do Comité Organizador do Congreso, os doutores D. Juan P. Aguado Fernández e D. Alejandro Fernández Domingo.

O director xerente deu a benvida aos presentes facendo fincapé no éxito do simposio, con 203 inscricións e a participación dos máis importantes profesionais da especialidade de ombro, entre eles médicos de sete mutuas colaboradoras coa Seguridade Social. Para rematar, emprazou a todos ao próximo simposio que terá lugar no novo Hospital Central de Fraternidad-Muprespa.

Con tres mesas redondas expuxéronse as últimas novidades no tratamento das lesións de ombro que significan unha alta porcentaxe das patoloxías que teñen que tratar as mutuas.

O ombro ten unha ampla e variada gama de movementos en múltiples direccións e, polo tanto, asento de múltiples patoloxías. Hai que engadir que é unha das articulacións que sofre máis lesións dentro do ámbito laboral.

Grazas aos mellores medios de diagnóstico e ás técnicas de tratamento máis especializadas obtéñense mellores resultados que permiten mellorar a calidade de vida dos pacientes operados.

Por todos estes motivos, Fraternidad-Muprespa centrou o seu XVIII Simposium Nacional nas lesións do ombro no ámbito laboral.