Renovación do convenio de colaboración co colexio de Graduados Sociais de Cidade Real
O pasado 24 de febreiro procedeuse á renovación da sinatura do convenio de colaboración entre o Colexio de Graduados Sociais de Cidade Real e Fraternidad-Muprespa, as persoas encargadas de realizar esta sinatura foron, por parte do Colexio de Graduados Sociais, a súa presidenta, Patricia Plaza Martín e, por Fraternidad-Muprespa, Natalia Fernández Laviada, subdirectora xeral de Prevención, Calidade e Comunicación
Posteriormente, e en virtude deste convenio, tivo lugar no salón de actos do Centro Nacional de Formación Ocupacional unha xornada co título “Nova Lei de Procedemento Administrativo”.
A xornada foi presentada por Natalia Fernández Laviada, subdirectora xeral de Prevención, Calidade e Comunicación de Fraternidad-Muprespa, que realizou unha exposición do papel das Mutuas Colaboradoras coa Seguridade Social, as grandes descoñecidas no sostemento do sistema da Seguridade Social, e explicou que hai “1.450.000 de empresas que confían nas MCSS, con máis 13 millóns de traballadores protexidos, uns 2 millóns de accidentes traballo evitados, cun persoal de case 10.000 sanitarios que realizaron 18 millóns de actos médicos ao ano e achegaron 28.900 millóns de euros á S.S., o que supón 3.770 millóns de aforro”.
Posteriormente tomou a palabra Patricia Plaza Martín, presidenta do Colexio Oficial de Graduados Sociais de Cidade Real, que deu as grazas aos relatores desta interesante xornada.
Manuel López Sancristán, letrado do Centro de Asesoría e Servizos Xurídicos de Fraternidad-Muprespa, foi o encargado de expoñer o relatorio sobre a Nova Lei de Procedemento Administrativo, onde debullou as novidades, medios electrónicos, a presentación de documentos, o procedemento sancionador e os cambios máis salientables en canto aos prazos.
Unha vez finalizada a súa intervención, xerouse unha quenda de preguntas entre os alí presentes.
Antes de finalizar, tomou a palabra María Lozano García, delegada comercial do Grupo Editorial Tirant Lo Blanch.
A clausura realizouna José Luis Agudo de Blas, director provincial de Fraternidad-Muprespa en Cidade Real, quen deu as grazas aos relatores e asistentes á xornada.